(إيكو) بالصور وشويه استفسارات .... ممكن مساعده ...؟؟؟

اهلا ياسيدي

من ناحيه اليف ... فاعتقد انو جدا اليف لانو بشوف الناس بتشتكي في المنتديات انو اول ما جابو جدا مزعج ويجعر كتير وكويس تبعي اول ما جا كان جدا هادئ بس ما كان يتقبلني فسبتو في حالو كم يوم

بس مررره زعوولي
لمن اردو جوه القفص وقت النوم
او تنخرب لعبه وتتقطع بيدو مررررررره يزعل
ويعصب ويزعق ويعمل فيها زعلان
واكتر شي يقهرني لمن اقرب اديلو حب بيدي ما ياكل
يبعد يدي برجلو ويفضل ياكل من الصحن


على حكايه الاكل.... إيكو جاني وهوا متعلم كيف ياكل الحب الشمسي
بس قالو لازم من السرلاك
بس المشكله مره مو راضي معايا ياكل بالابره
(( يكون العله في السرلاك مو طعم لانو جبتلو بالفواكه
؟؟؟؟؟))
فخلاص اكتفيت بالحب

- بس تقدر تقلي ايش الفواكه الي اقدر اديلو هيا ؟؟؟
لانو قريت انو لازم ياكل فواكه
وفي معلومه غريبه انو لازم ياخد بروتين فممكن اديلو دجاج مطبوخ O_o
(( كيف كوكو ياكل كوكو O_o ))
فياليت تأكدلي دي المعلومه

وعلى القفص... انا شايفه انو اكبر قفص بشوفو في المنتديات
ودا قفصو



سوال ايش حكايه الحلق الي برجلو ؟؟؟
حاولت اقرا ايش مكتوب بس خفت يعضني

وسوال تاني انا حاولت اروشه بـ بخاخ المويه تبع كوي الملابس لانو حسيت انو وسخ نفسو وانا بحاول ااكلو السرلاك
بس مررره مو راضي وبرضو عمل فيها زعلان وما بياكل من يدي وبس يزعق لمن اقرب منو

ايش الحل ..؟؟

معليش ياسيدي طولت عليك بالاسئله
انت عارف على قد ما اربي حيوانات ما قد خطر ببالي انو ممكن اربي طير فخبرتي جدا قليله
بس خلاص جاني سبرايز ولازم اهتم فيلو
عاد كلكم راع وكلكم مسوؤل عن رعيتو......

تسلم على ردك ورحابه صدرك لأسئله ناس مبتدأه زيي ....